गुर्वान सन्ह्ली
गुर्वान सन्ह्ली आज सपर्ख वीरेन्द्रनगरओहर लग्ली । सायद ठरोक पठैलक रुप्या अइलिन् कि का ? ठरोक बिडेश गिलक तीन बरस पुगटिन् । ट्यामट्यामम आइ.एम.ई.मसे पैसा झिक जाइ ब्याला आजकाल प्राय अक्कहले जिठी गुर्वान सन्ह्ली । पैल्ह पैल्ह आपन डिउराह छाइछावन संघसंघ लेक जाइ, तर पैसक हरहिसाब जानक डर ऊ सुटुक्क जिठी । रुप्या बुझ्लक दिन आपन लाग अड्रिक अड्रिक कुर्ठा सुरुवाल, सारी, लिपिष्टिक, गाँजल, आङ्म छिट्कना सेन्ट सिंगारपटारके मेरमेरके सरसमानले बहुट मेरिक वस्तु किन्खन क्वाठा सजैल रठी ।
ऊ दिन गुर्वान सन्ह्ली ठरोक पठैलक रुप्या झिक्खन घर फिर्ता हुइली । बहुट दिन पाछ रुप्या पठैलकम खुशी रलही काखर कि हुकाहार यहरओहर घुम जिना बन्द होरलहिन् । आज आफन लाग रानी कलरके सारी, एकजोर सेन्डिल, किन्खन अन्ल रलही । गुर्वान सन्ह्ली लर्का पर्कनके ओत्रा चासो निकर्ठी । हुकिहिन् ठरोक कमाहिम मोज कर पैलसे पुगजैठिन् । छावक लाग भुट्ला बाहर्ख गुज्रिक भुट्लासक हुइट घरिम फे बाल कटाडेना, सनिबारक दिन लह्वा डेनासम निकर्ठी । यहाँसम कि अप्न हिरिक हिरिक बजार जैना तर कब्बु फे आफन छाइछावन नैै लैजिठि । छावक भुट्ला काटक लाग गाउँक डाडुभाइन् फे निकठि । न त हेयर कटिङ सैलुनम लैजाख बाल कटाडेठि । बिचारा ! सुन्द्रा बिना डाइबाबा हिट्वासक रहठ । हाठम पैसा अइटी कि रातभर फोनम बिजी रठि गुर्वान सन्ह्ली ।
ठरोक पठाइल पैसा बुझ्लक डुसर दिन कहाँ जिना किहिसे बैठ्ना कैक गुर्वान सन्ह्ली मोबाइलम कन्ट्याक कैरख्ठि । आज सुक्रबारक दिन गुर्वान सन्ह्ली छिन्छुक आर्मीह कन्ट्याकम वीरेन्द्रनगरम बलैल रलही । आर्मी करिब पाँच बजे ओहर एयरपोर्ट चोकम अस्या लग्ग रह । ओह ब्यालम फाने अइठिन् गुर्वान सन्ह्लीक मोबाइलम ।
गुगुर्वान सन्ह्ली – हेल्लो काहाँ बातो ? हाई ।
आर्मी– एयरपोर्ट चोकम बँटु । झट्टे मनकामना होटलम रुम बुक कैरख्नु, ओहेरे बैठ्ख गफ कर्बि नि ।
सन्झेक समयम सबजन आफन बालबच्चन भातभन्सा कैख खुवापिवाख सुटैना समयम होटलक बास कर जैना गु¥वान सन्ह्लीक पुरान बानी हुइटिन् ।
आर्मी– कत्रा ढिल कर्लक हो अस्या लागट लागट बोर लागस्याकल ।
गुर्वान सन्ह्ली– सरि, है त ठनिक ढिल हुइल ।
बस दुनुजन वीरेन्द्रनगरके मनकामना होटलम छिर्ठ । आज आर्मी खुब खुशी बा । काखर कि मछरी आफन ढरियाम अप्नेहे बाझ आइल बाटिस् । अप्नेहे कन्ट्याक कर्लक कारण खर्चपानीके बिल फे भर निपर्ना हुइलक कारण ऊ ढुक्क रहठ ।
आर्मी – सानु, आज केहेकाक अर्डर करु ?
गुर्वान सन्ह्ली– टुँहार का इच्छा बा, मंगाऊ ना ।
आमीं– ओसिन त एक बोटल रोयल स्ट्याग मंगाऊ ना ।
गुर्वान सन्ह्ली– हुइट ।
आर्मी – ए ! कान्छा, एक बोटल रोयल स्ट्याग, दुई ठाउँमा सेकुवा र भुटुवा अनि सलाद र सूर्य चुरोट पाँच खिल्ली ल्याऊ है । ए ! सुन त अनि दुई जनालाई खाना पनि बनाइ राख ।
वीरे– हवस् सर ।
दुनजन एक–एक प्याग लगाख आफन क्रियाकलाप सुरु कर्ठ । ह्विस्किक रससँग आफन रङ मिलाइ लग्ठ । दुनुजन मु जोटाख का–का कर्ठ । ओह ब्याला वीरे द्ववारिम ढकढक कराइट ।
वीरे– हजुर खाना कति खेर ल्याऊ ।
आर्मी– एकछिन् पछि ल्या न ।
फेनडोसो दुनुजन चुम्मा लेटि खैनापिना सुरु हुइठिन् । आर्मी ट्वाइलेट पैठट । ऊ ह्विस्किक रङ्म लठ्ठ हुइल ब्यालाम वाकर यौन चाहना तिब्र हुइठिस् । ऊ नङ्ट क्वाठम आइट । गु¥वान सन्ह्लीक आङ्क कुर्ठा सुरुवाल सक्कु खोल्ख नङ्ट बनाइट । दुनुजन असिन नङ्ट होख यौन क्रिडा कर्लक बहुट ताल होसेक्ल बटिन् । आज हितभरके मन बुझाख आफन चाहना पूरा कर्ठ, खैठ, पिठ ।
ओह ब्याला गुर्वान सन्ह्लीह मलेसियासे ठरोक फोन अइठिस् ।
गुर्वान सन्ह्ली– हेलो, को बोल्नुभयो ?
गुर्वान सन्ह्लीक ठ¥वा – मै हुइटु । परौ पठैलक एक लाख रुप्या पैलो कि नाइ ?
गुर्वान सन्ह्ली– पैनु, पैनु ।
गुर्वान सन्ह्लीक ठ¥वा– और, घरओहर का कसिन खबर बा ?
गुर्वान सन्ह्ली– ठिक बा, लर्कन् बेरिओरी खवाख सुटासेक्नु । मै टि.भि. हेर्ख बैठल बाटु ।
ठर्वा– ल मै पाछ फोन करम ।
गुर्वान सन्ह्ली– ल, ल बाइ ।
बिचारा ! भोन्डोक का थाहा ओत्रा दुरिक मनै । जन्नी ठरोक कमाहिम ह्विस्कि ओ सेकुवाम पैंसा उरैटि जवानी लुटाइटा कैक ।
आर्मी बिहान्नी आफन गण कपासे ब्यारेक ओहर लागठ । गुर्वान सन्ह्ली रातभरके रुम चार्ज, खैलक बिल भरठ । जम्मा नौ हजार रुप्या टिरठ ओ घरओहर जाइठ ।
एकडमसे गुर्वान सन्ह्लीक फोन अइटि रठिस् । ऊ हरेक दिन एक दु दिन बिरा बिरा घरसे बहार रात रहठ । आज सम्राट गेष्ट हाउसम डोसर ग्राहक बलैल रठिन्, गुर्वान सन्ह्लीह । गुर्वान सन्ह्ली आज आफन खर्चम नाहोख और जन्हक खर्चम जवानी लुटाए गिल रठि ।
रामलाल व्यापारीसे बैठलम विशेष खानपिन कर्टि मस्टि कर्ना जमर्को रठिन् । व्यापारी रामलाल आज आफनसँग मधुकरह फेन अन्ल रहठ । गु¥वान सन्ह्ली दुई जहन देख्खन ठनिक हडबडैठि ।
रामलाल– माइ डियर ‘हनि’ का पिर मानटो ?
गुर्वान सन्ह्ली– मै त टुँहार विश्वासके आधारम पो अइलक हुइटु, मै सबजहनसे शरीर बेच्ना रण्डी त नै हुँ ।
रामलाल– इ मधुकर म्वार एकदम मिल्ना सङ्घर्या हो । इ ओ मैम कुछ फरक निहो । टुँ आज एक रातके लाग हुइलसे फे रण्डी बन्लसे का फरक परि जे । बरु रकमके चिन्टा नाकरो । आखिर टुँ म्वार लाग त कैयौचो रण्डी बन्सेक्लो केरे ।
ऊ राट्खन निक्रसेक्ना अवस्था निरलहिन् । आज गुर्वान सन्ह्ली रामलाल ओ मधुकरके यौन चाहना पूरा कर्लि । रातभर दुनुजन नीलो फिलिम हेर्टि मस्टि कर्लिन् । मानौ, दुईठो बग्घ्वा एकठो हरिणह लुछाचुडि करसक शरीरम खेल्लिन् । अन्धार मन लेक गुर्वान सन्ह्ली बिहान्ख ब्याग लेक घर ओहर अइली ।
डाइक असिन चालाले छावा सुन्द्रा, छाइ कल्सौरी दिकदार बनल बाट । लेकिन लर्का कुछ कर निसेक्ठ । गु¥वान सन्ह्लीक ठर्वा भोन्ड्वा यिहीसे आघ विदेशम चार बरस कतारम बैठ्ख अइलक हो । ऊ ब्यालाम भोन्ड्वा घर निफुट्ल रह । वाकर छाइछावन पह्रैना, लिखैना, काम बुडिबुबा ओ काका काकी जिम्मा लेलक ओहर्से गुर्वान सन्ह्ली असिन क्रियाकलाप म संलग्न हुइ निसेक्ल रलही । जब भोन्ड्वा बिडेससे आइल टबसे वाकर जन्नी घर फुटैना बात कर लग्लिस् । घर फुटल ओठेसे गुर्वान सन्ह्ली स्वतन्त्र ओ छाडा हुइलक हुई । घरम नियन्त्रण, परिचालन ओ व्यवस्थापन कर्ना घरमुली निरलसे असिन दुर्घटना हुइट कना व्यवहार गुर्वान सन्ह्लीक डेख पर्लिन् । ठर्वा बिदेशम, लर्का छोट छोट भोन्डोक काका काकी, डाडु भौजी, बुडिबुबा अल्गैलक कारण ऊ स्वतन्त्र रलहि ।
बुह्रापाकनके एकठो कहाइ बा च्वार गोरु ओ बिग्रल जन्नी एक्क हुइट । हुकनक गोठाला लाग निसेक्जाइठ । आँखि छल्खन आफन इच्छा पूरा कैढर्ठ । ओसहख गुर्वान सन्ह्लीक त गोठाला लग्ना मनै फे काहाँ रलहिस् । ऊ त एकडम स्वतन्त्र रलहि । घरमुली सन्ह्ली छाडा हुइलक कारण छाई कल्सौरी फेन ठनिक उत्ताउली बानी सिख्टि गिल । कल्सौरी कक्षा नौम पहर्ना करि । छाईक उमेर फेन बहर्टि गिलक कारण सन्ह्लिक गोही ट्याकल आर्मी, व्यापारी धिर धिर कल्सौरिक ओहर नजर लालग रठिस् । सन्ह्लिक बुह्राइल जवानीम मिच्छाइल आर्मी एकदिन कल्सौरिह नजर लगैल रहठ । राट्खन सुटल कल्सौरिह जबरजस्टि बलात्कार कैक आर्मी फ्रहार होजाइठ । गुर्वान सन्ह्ली यी बातह सामान्य रुपम लेठि । आफन आनीबानी सुधर्ना त दुरिक बात हो, झन ओह आर्मीसे उहर्ख जैनासम योजना बनैल रठि, गु¥वान सन्ह्ली । आफन ठरोक पठाइल रुप्यासमेत आर्मीह एक लाख पचास हजार रुप्या, एकठो स्क्रिन टच मोबाइल सेट डेल रलहि । आर्मी एकडम चलाख ओ धुर्त रलक कारण सरुवा होगिल कैक कुछदिन पाछ सिन्धुली गैलक खबरले गुर्वान सन्ह्लीक योजना चक्नाचुर हुइ पुग्ठिस् । तीन बर्षक ठरोक सक्कु कमाहि बालुम पानी डारसक उराडेठि । यहर छावा सुन्द्रा छोटि उमेरम चुरोट, गाँजा खैना सङसाथले ऊ एक आवारा गुण्डा बन पुगठ । डाइक गलत क्रियाकलापले छाईक प्याटिम आर्मीक पाप बहर्ठि जिठिस् । यी खबर एक कान दुईकान मैदान हुइ पुग्लक कारण छाई कल्सौरी फे बर्बाद हुइठि ।
पृष्ठ संयोजकः मानबहादुर चौधरी, पत्राचारके लाग ठेगानाः इमेल: [email protected], [email protected] र मो.न.: ९८४८०४०८८०
प्रकाशित मितिः १६ माघ २०८१, बुधबार ११:४४
मानबहादुर चौधरी ‘पन्ना’ ।