टुहिन सम्झठु डाइ

न्वानमिर्चसँग बस्या भात खाइबेर टुहिन सम्झठु डाइ
अश्रुधाराले प्यास बुझाइबेर टुहिन सम्झठु डाई

जिम्मेवारिक भर्वा बरा गम्हिर रहठ बल्ल बुझटु
लच्कल कन्ढ्याम लचक्से उठाइबेर टुहिन सम्झठु डाई

जिन्दगिक आँधी तुफानसँग लर टुह सिखैलो महि
संघर्षके मैदानम गोरा लटपटाइबेर टुहिन सम्झनु डाई

भरोसाके डौँरी प्रेमसे बाँध, टुँह त सिखैल रलहो महि
उल्झल सम्बन्ध अक्कले सुल्झाइबेर टुहिन सम्झनु डाई

ट्याल ओराइल डियाहस् ढिप्ढिप् बर्टि रह जिन्दगी
अस्राके बाती बट्क सुङ्गाइबेर फे टुहिन सम्झनु डाई

जिन्गी कबु रङ्गिन् त कबु सङ्गिन् बनलस लागठ
बल्रुम सप्नक महल सजाइबेर टुहिन सम्झनु डाई ।

 

– मिना चौधरी

प्रकाशित मितिः   १६ माघ २०८१, बुधबार ११:३१