गाउँमा बस आउँदा लगामवासीमा खुसीयाली

सुर्खेत, २६ चैत । जिल्लाको पश्चिममा पर्ने लगाममा बस पुग्दा स्थानीयवासीले अविरजात्रा गरेका छन् । जिल्ला सदरमुकामबाट करिब १ सय किलोमिटर पश्चिमी क्षेत्रमा पर्ने लगाम गाविसमा पहिलो पटक सार्वजनिक यात्रुबहाक बस पुगेको छ । बस पुग्दा लगाम र बेतान गाविसका नागरिकले अविरजात्रासहित स्वागत गरेका छन् ।

काक्रेविहार यातायात व्यवसायी समितिको ना ६ ख ९१० नम्बरको बस पहिलो पटक लगाम बजार पुगेको स्थानीयबासी लालबहादुर थापा र अर्जुन जनालाले जानकारी दिएका छन् । बस लगाम पुगेपछि स्थानीयबासीले बस चालक पूर्ण खत्रीलाइ अविर र माला लगाएका थिए । विजौराबाट पैदल यात्रा गर्न बाँध्य लगाम र बेतानबासीलाई बसपुग्दा राहत पुगेको खत्रीको भनाई छ ।