अत्यधिक वर्षा हुने

सुर्खेत: तीन दिनसम्म अत्यधिक वर्षा हुनसक्ने देखिएको छ । जल तथा मौसम पूर्वानुमान महाशाखाले जारी गरेको बुलेटिनमा आगामी तीन दिन नै भारी वर्षा हुने सम्भावना रहेको जनाएको छ । मनसुनी वायुको प्रभाव र यसको न्यूनचापीय रेखा पनि सरदर स्थानभन्दा केही माथि नेपालको तराई भू–भाग आसपास र पूर्वामा सरदरस्थान आसपास रहँदा विभिन्न स्थानमा भारी वर्षा भएको हो ।

आइतवार दिउँसो कोशी, लुम्बिनी र सुदुरपश्चिम प्रदेशको पहाडी र तराई भू–भागका थोरै स्थान तथा मधेश, बागमती र गण्डकी प्रदेशको तराईको एक–दुई स्थानमा भारी देखि धेरै भारी वर्षाको सम्भावना रहेको छ । दिउँसो नै कोशी, गण्डकी, लुम्बिनी र सुदुरपश्चिम प्रदेशका पहाडी र तराई भू–भागको एक–दुई स्थानमा धेरै भारीदेखि अति भारी वर्षाको समेत सम्भावना रहेको महाशाखाले जनाएको छ ।

आइतवार राति कोशी र लुम्बिनी, गण्डकी प्रदेशका पहाडी र तराई भू–भाग थोरै स्थानमा भारीदेखि धेरै भारी वर्षा तथा मधेश, बागमती, र सुदुरपश्चिम प्रदेशको पहाडी र तराई भूभागको एक–दुई स्थानमा भारी वर्षाको सम्भावना रहेको छ । दिउँसो भने कोशी प्रदेशको पहाडी र तराई भू–भाग एक–दुई स्थानमा अति भारी वर्षाको समेत सम्भावना रहेको छ ।

यसैगरी सोमवार दिउँसो कोशी, बागमती,गण्डकी, लुम्बिनी, कर्णाली र सुदूरपश्चिम प्रदेशका पहाडी भू–भागको एक–दुई स्थानमा भारी वर्षाको सम्भावना रहेको छ । रातिको समयमा कोशी, बागमती, गण्डकी र लुम्बिनी प्रदेशका पहाडी र तराई भू–भागका एक–दुई स्थानमा भारी वर्षाको सम्भावना रहेको महाशाखाले जनाएको छ ।

भारी वर्षाका कारण हुन सक्ने गेग्रान बहाव, बाढी, पहिरो तथा भू–क्षयका जस्ता प्रकोपको जोखिम वा क्षतिबाट बच्न तथा यस बाट ती क्षेत्रहरूमा दैनिक जनजीवन लगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा असर पर्ने सम्भावना रहेकोले आवश्यक सावधानी अपनाउनुहुन र विभागको पछिल्लो सूचनामा अद्यावधिक रहन अनुरोध गरेको छ ।

प्रकाशित मितिः   ३ श्रावण २०८३, आईतवार १०:३१