गजल
झुमरा हुरडुंग्वा मघौटा सखियामे इतिहास बा ।
ढोलक टिम्की घुँघरु बसियामे इतिहास बा ।
चमचम सिटारा चम्कैटी सजके भुरभुर्रा उरैटी,
टिकली फुली झोबन्ना मगियामे इतिहास बा ।
कट्रा सोहावन बा हमार लगाम हमार गहना,
लहँगा चोलिया फरिया अगियामे इतिहास बा ।
सजना माँगर ढमार हमार पुर्खनके सिर्जाइल,
सटरंग गोंडरी खटिया मचियामे इतिहास बा ।
झाल कस्टार डफ मंजिरासे चम्पन करैना,
रंगीबिरंगी भुरभुर्रा ओ गटियामे इतिहास बा ।
साझा बिसौनी ।