लखागिन संस्थाके दोसर साधारण सभा सम्पन्न

 

सुर्खेत: यह गैलक भदौ २३ गते वीरेन्द्रनगरम एक समारोहके बिच लखागिन थारु उत्थान मञ्च, सुर्खेतके दोसर साधारण सभा सम्पन्न हुइल बा । लखागिन संस्थाम कैगिल विभिन्न कार्यक्रमके आर्थिक वर्ष २०७९/०८० अषाढ मसान्तसम्मके ३,७९,३८४/­ (अक्षरेपि तीन लाख उनासी हजार तीन सय चौरासी बराबरके आय व्यय प्रस्तुत कैगिल रह । साधारण सभा कार्यक्रमम अध्यक्ष मानबहादुर चौधरी पन्ना आर्थिक प्रतिवेदन ओ आगामी वर्षम कैजिना वार्षिक कार्ययोजना पेस पेश कर्ल रलह कलसे प्रगति प्रतिवेदन उपाध्यक्ष लोक बहादुर चौधरीले प्रस्तुत कर्ल रलह । प्रस्तुत कैगिल आर्थिक प्रतिवेदन ओ प्रगति प्रतिवेदन सभामसे सर्वसम्मतबाट पारित हुइल बा ।

कार्यक्रमके बर्का पहुना एवं वीरेन्द्रनगर नगरपालिकाका ९ नं. वडाका अध्यक्ष ऋषि गिरी ‘सुर्खेत उपत्यकाका मुल आदिवासीके रुपम चिहिन्जिना थारु जातिके लोक कला संस्कृति लोप हुइटी गैलक अवस्थाम लखागिन थारु उत्थान मञ्च थारु समाजम सामाजिक, आर्थिक, सांस्कृतिक साहित्यिक क्षेत्रमा मियोके रुपम काम कर्टि रहलक बात बटोइल । थारु समुदाय राजनीति रुपम फे आघ पर्नाम जोड देल । थारु समुदाय लग्ना सिकलसेल एनिमिया रोगके उपचार करक लाग यहाँक थारु आब लाटिकोइलीम बन्टी रलक स्वास्थ्य अस्पतालमसे निकट भविष्यम व्यवस्था हुइना बात जानकारी करैल । अप्नफे थारु समुदायम हुर्कलक कारण थारु समुदायके समस्या बुझ्लक ओहर्से आफ्नो वडामसे हुइना जुनसुकै कुराम सहयोग हुइना प्रतिवद्धता जनैल ।’

 

 

कार्यक्रमम थारु कल्याणकारिणी सभाका केन्द्रीय सदस्य कृष्ण बहादुर थारु – संस्कृति मानव जातिनके उपज हुइलक कारण आझुक परिवर्तनशील समयम यकर मौलिकपनके संरक्षण गीत, चालचलन र परम्पराके संरक्षणके लाग लखागिन थारु उत्थान मञ्च काम कर्टि अइलकम खुशी व्यक्त कर्ल ।

लखगिन थारु उत्थान मञ्च, सुर्खेतके सल्लाहकार जागुराम थारु– थारु जाति संस्कृतिके धनी हुइटी हुइटी फे और पहारी समाजके प्रभाव, विश्वव्यापीकरणके कारण आफन संस्कृति ख्वाज पर्ना अवस्था अइलकप्रति संकेत कर्टि यी लखागिन संस्था थारु समुदायके संस्कृति बचाइना कार्य ऐतिहासिक उपलब्धिमूलक हुइलक बटोइल ।

कार्यक्रममा लखागिन थारु उत्थान मञ्चके संरक्षक सनिसरा दहित– हरेक जातिनके कला संस्कृति नेपालके संस्कृति हुइलक कारण यकर संरक्षण कर्ना राज्यके दायित्व हुइलक बटोइल । थारु समुदायके अगुवाई कैख यी संस्था मजा उदाहरणीय काम कर्लकम आगामी दिनम फे निरन्तरता दिह पर्नाम जोड देल ।

कार्यक्रमम थारु कल्याणकारिणी सभा सुर्खेतके सभापति, बेचुलाल चौधरी, वीरेन्द्रनगर नगरपालिका वडा नं. २ का वडासदस्य रमेश चौधरी, थारु अगुवा मानबिर थारु, भागिराम थारु, लगायतके वक्ता हुक्र थारु समुदाय हुक्र आफन हकहितके लाग एकजुट हुइटी आघ बह्र पर्नाम जोड देल रलह ।

प्रकाशित मितिः   १० आश्विन २०८०, बुधबार ०५:०३