प्रजातन्त्र (कविता)

ए ! प्रजातन्त्र मित्र । 
तिम्रो आगमनमा ! 
आज भोलि ! 
केही खुशी हुँदैनन् । 
दुःखी पनि हुँदैनन् । 
तिम्रो सम्झनामा !
यो देशले धुपसम्म !
जलाउन बिर्सियो । 
तिमी यति गुपचुप भइसकेछौं !
तिम्रो त्यो बत्तीस दाँतको हाँसो !
जुँगादेखि बसेका ठिटाको गफमा र !
जोगीको गाँजाको धुवाँमा उडिरहेछ !
तिमी हिँमचुली भएर आउँछौं !
बादल भएर फर्कन्छौं !
ए ! प्रजातन्त्र मित्र !
के तिम्रो हैसियत यही हो !
– देवप्रकाश सिंह
जोजरकोट 
(एमएड प्रथम वर्ष सुर्खेत क्याम्पस, शिक्षा)