थारु कल्याणकारिणीको अधिवेशन सम्पन्न

सुर्खेत: थारु कल्याणकारिणी सभा जिल्ला कार्य समिति सुर्खेतके पँचवा जिल्ला अधिवेशन गैलक मंसिर २२ गतेक दिन वीरेन्द्रनगरके कालिमाटीम एक कार्यक्रमबिच सम्पन्न हुइल बा ।

अधिवेशनमसे लौव कार्यसमितिम बेचुलाल चौधरी, उपसभापतिम सितल्ली चौधरी, सचिव डिलबहादुर चौधरी, सहसचिव रमेश चौधरी, सदस्यम लोकबहादुर चौधरी, पूर्णबहादुर चौधरी, रोशन चौधरी, सपना चौधरी, श्यामु चौधरी, लालबहादुर चौधरी, रामकृष्ण चौधरी, लालबहादुर चौधरी ओ मानकुमारी चौधरी चयन हुइल बाट ।

कार्यक्रमके प्रमुख अतिथि थाकसके प्रमुख अतिथि थारु कल्याण कारिणी सभा थारुनके सबसे पुरान संस्था हुइलक कारण सबजन मिल्ख थारुनके हक अधिकार ओ कला संस्कृतिके संरक्षण कर पर्ना काम ओहर लाग पर्ना आग्रह कर्ल ।
ओसहख विशेष आतिथि थारु कल्याण कारिणी सभाका केन्द्रीय सदस्य कृष्णबहादुर थारु थाकसम हालसम कैगिल कामके आर्थिक कारोबारसम्वन्धी लेखापरीक्षण बिना सामान्य प्रगति प्रतिवेदन किल देखाक अधिवेशन कर खोज्ना विधान विपरीत हुइलकम विरोध कर्ल ।

पुरान कार्य समितिके करल प्रगति प्रतिवेदन बेचुलाल चौधरी प्रस्तुत कर्ल रलह । लेखापरीक्षण प्रतिवेदन बिना प्रस्तुत कर्ल अधिवेशन हुइ निसेक्ना बात फ्लोरमसे व्यापक विरोध हुइलक कारण १५ दिन भित्रर लेखापरीक्षण प्रतिवेदन सार्वजनिक कर्ना कैक ३ सदस्यीय कमिटी गठन कर्क समिति चयन कैगिलक हो । थाकस सुर्खेतम हुइलक लाखौके आर्थिक कारोबारके लेखाजोखाविना लौव कार्यसमिति गठन विधान विपरीत कार्यके विरोध बाबजुद फे केन्द्रीय सदस्य मानबहादुर चौधरीक आग्रहम समिति चयन कैगिलक हो ।

थारु सङ्ग्रहालय भवन बनाइ ब्याला भूमिपुत्र मिलन बचत तथा ऋण सहकारी संस्था तिलपुरसे लेलक १ लाखके ऋणके ब्याजसहित टिर पर्ना २ लाख ७४ हजार ९ सय ५६ रुप्या टिर्ना बाँकी रहल चिठी पेश कैगिल रह । आर्थिक कारोबारसम्बन्धी पारदर्शिता हुइ पर्ना आम भेलाके माग रलहिन् ।

प्रकाशित मितिः   १३ पुष २०७९, बुधबार ०५:०३