सुर्खेतम थारु लघुचलचित्रके विमोचन

वीरेन्द्रनगर नगरपालिका सुर्खेतम कला संस्कृति संरक्षण कर्ना उद्देश्यले थारु राष्ट्रिय कलाकार मञ्च शाखा सुर्खेत गत श्रावण २१ गतेक दिन संस्कारी पटोइह्या थारु लघुचलचित्रके विमोचन कार्यक्रम सम्पन्न हुइल रह ।

रामचन्द्र चौधरीके निर्देशन तथा निर्माण कैगिल संस्कारी पटोइह्याके मुख्य भूमिकाके कलाकारम सुनिल चौधरी, कृष्णा चौधरी, सन्ध्या चौधरी, सनम चौधरी, जीवन चौधरी, पूर्ण बहादुर चौधरी लगायतके कलाकार हुक्र अभिनय कर्ल बाट ।

कार्यक्रमके प्रमुख अतिथि थारु कल्याण कारिणी सभा सुर्खेतके सभापति बेचुलाल चौधरी विमोचन कर्ल । सभापति चौधरी कला संस्कृति बचाइक लाग सबजन संगठित होख लाग पर्ना बटोइल । हमार थारु भाषा, कला, साहित्य,सांस्कृतिक अभियान आघ बह्राइ लागम जोड देल ।

थारु पत्रकार संघ केन्द्रीय कार्यसमिति कर्णाली प्रदेश उपाध्यक्ष तथा लखागिन थारु उत्थान मञ्च सुर्खेतके अध्यक्ष मान बहादुर चौधरी पन्ना सुर्खेतम थारु कला संस्कृतिके विकासम योगदान दिहल पुर्खा हुकहनके साथ समर्थन लेख आघ बह्र पर्ना कहटी थारु समुदाय कला संस्कृतिम सम्पन्न जाति हो । गीत संस्कृति कलक हमार पहिचान हो, हमार अमूल्य निधि हो, हमार राष्ट्रियता फे हो । यिही बचाइक लाग स्थानीय सरकार, प्रदेश सरकार फे ध्यान दिह पर्ना आग्रह कर्ल । समयअनुसार सामूहिक रूपमा सहकार्य कर्लसे हर काम सम्भव हुइठ । सुर्खेती थारु भाषा, कला संस्कृति विकास संरक्षणके लाग विगत तीन दशकसे निरन्तर लग्ती अइलक बात बटोइल ।

ओसहख थारु युवा सभाके केन्द्रीय उपाध्यक्ष पवन कुमार थारु हम्र थारु सम्वन्धित निकायसे पैना अवसर, सेवा, अधिकारके बात थाहा नापाख पाछ पर्टि आइल बाटि । हरेक निकायम थारुने पहुच पुगाइक लाग शिक्षाके बहुत जरुरी हुइलक बटोइल ।

असहख कार्यक्रमम वीनपा १० नं वडाके दलित महिला सदस्य सन्ध्या परियार कला संस्कृतिके विकास करकलाग जैह्याफे सहयोग कर्ना बाट धर्ल रलह । थारुनके हकहित ओ कला संस्कृति विकासके थारु अगुवा कालुराम दहित, दुर्गबहादुर थारु, कुमारी सिता थारु आफन आफन मन्तव्य ढर्ल रलह ।

कार्यक्रम थारु राष्ट्रिय कलाकार मञ्च शाखा सुर्खेतके अध्यक्ष रामचन्द्र चौधरीके सभापतित्वम सम्पन्न हुइल रह । कार्यक्रममा सुर्खेतके थारु कलाकार सन्ध्या चौधरी, कृष्णा चौधरी, सुस्मिता चौधरी, सुनिल चौधरी, पुर्णबहादुर चौधरी लगायतके कलाकार प्रस्तुति कर्ल रलह । कार्यक्रमके सञ्चालन मञ्चके सचिव राजु चौधरी कर्ल रलह ।

प्रकाशित मितिः   ८ भाद्र २०७९, बुधबार ०५:०४