ठाटीकाँधमा कांग्रेसका रक्षबहादुर शाह विजयी

दैलेख – ठाटीकाँध गाउँपालिकाको अध्यक्षमा नेपाली कांग्रेसका रक्षबहादुर शाह विजयी भएका छन् । उनले दुई हजार पाँच सय ७१ मत पाए । निकटतम् प्रतिद्वन्द्वी एमालेकी लक्ष्मीदेवी शाहले दुई हजार दुई सय ७९ मत पाइन् ।

उपाध्यक्षमा भने एमालेका देवीराम बडुवाल विजयी भएका छन् । उनले दुई हजार ६ सय ९५ मत पाएका छन् । उनका निकटतम प्रतिद्वन्द्वी कांग्रेसकी भद्राकुमारी शाहीले दुई हजार चार सय १६ मत ल्याएकी छन् ।

६ वटा वडा रहेको ठाटीकाँधमा चार वटा कांग्रेस र दुई वटा एमालेले जितेका छन् ।

यो पालिका २०७४ मा एमालेले जितेको थियो । तर यसपटक गुमाएको छ ।

प्रकाशित मितिः   २ जेष्ठ २०७९, सोमबार २३:३९