जाजरकोटको कुशेमा कांग्रेस विजयी

जाजरकोट : कुशे गाउँपालिकाको अध्यक्षमा नेपाली कांग्रेसका उम्मेदवार हरिचन्द्र बस्नेत निर्वाचित भएका छन् । सोमवार राति सकिएको मत गणनाअनुसार उनले तीन हजार चार सय २३ मत प्राप्त गरेका हुन् ।

बस्नेतका निकटतम् प्रतिद्वन्द्वी नेकपा (एकीकृत समाजवादी) का तप्तबहादुर हमालले तीन हजार एक सय ८२ मत प्राप्त गरे । नेकपा एमालेका प्रेमप्रसाद घर्तीले एक हजार चार सय ९६ मत ल्याएका छन् ।

यस्तै उपाध्यक्षमा नेपाली कांग्रेसकै देवीका सिंह विजयी भएकी छिन् । उनले तीन हजार पाँच सय ८७ मत प्राप्त गरेकी हुन् । उनका प्रतिस्पर्धी माओवादी केन्द्रका विकास रोकायले दुई हजार नौ सय १८ मत प्राप्त गरे ।

प्रकाशित मितिः   २ जेष्ठ २०७९, सोमबार २३:५३