भूमिपुत्रके ११औँ वार्षिक साधारण सभा सम्पन्न

गैलक बैशाखके १० गते शनिवार वीरेन्द्रनगर ९ तिलपुरम एक कार्यक्रमके बिच भूमिपुत्र मिलन बचत तथा ऋण सहकारी संस्था लि. तिलपुरके ११औं वार्षिक साधारण सभा सम्पन्न कर्ल बा । कार्यक्रमम संस्थाके अध्यक्ष कृष्ण बहादुर थारु–आर्थिक प्रतिवेदनम रू एक करोड, २० लाख बराबरके आम्दानी ओ खर्चके लेखा परीक्षण प्रतिवेदन पेश कर्ल रलह । आगामी दिनम अहमिन मजासे सहकारीह आघ बह्राइक लाग विभिन्न सहकारीसे समन्वय कर्ना जरुरी रलक बटोइल ।

कार्यक्रमका प्रमुख अतिथि लखागिन थारु उत्थान मञ्च, वीरेन्द्रनगर सुर्खेतके सल्लाहकार समाजसेवी शनिश्रा दहित, ‘सहकारीके मूल्य मान्यताअनुसार आर्थिक अवस्थाम पछगुरल थारु समुदायके उत्थान करक लाग सहकारी आझुक आवश्यकता हो । राज्यक नीतिअनुसार छोट छोट सहकारी मर्ज कर्ना । थारुपन थारु मन थारु धन हुइ पर्ना ओ गैर थारुनके समावेशिता, सहभागिताह फे ध्यान दिह पर्ना बात अंगुरैल ।’

सहकारीके मूल्य मान्यताअनुसार आर्थिक अवस्थाम पछगुरल थारु समुदायके उत्थान करक लाग सहकारी आझुक आवश्यकता हो । राज्यक नीतिअनुसार छोट छोट सहकारी मर्ज कर्ना । थारुपन थारु मन थारु धन हुइ पर्ना ओ गैर थारुनके समावेशिता, सहभागिताह फे ध्यान दिह पर्ना बात अंगुरैल ।

लखागिन थारु उत्थान मञ्च, सुर्खेतके अध्यक्ष मान बहादुर चौधरी, ‘सहकारी आर्थिक समृद्धि ओ विकासके लाग मिलजुल कैख स्थापना करल साझा संस्था हो । थारु समुदायम अहमिनफे अर्मपर्म, सरसापट, काठीपट्या आदि कार्यम समेत सहकार्य कर्टि अइलक कारण सहकारी सामूहिक जीवनशैलीसे जोरगिल बटोइल । वास्तवम सहकारीके मूल मर्मअनुसार उद्योग, व्यापार, व्यावसायम लगानी कैख किसानके जीवनस्तर उपर उठाइक लाग पुँजीके सही सदुपयोग कर पर्ना बात ढर्ल ।’

ओसहख थारु कल्याणकारिणी सभ, सुर्खेतके सभापति बेचुलाल चौधरी, ‘थारुने आर्थिक व्यावसायिक विकास करक लाग सहकारीके महŒवपूर्ण भूमिका हुइलक कारण थारुनके साझा विचार मिल्ना समाज जागरण बहुउद्देश्य सहकारी संस्था लि. पर्सेनी, मुना बचत तथा ऋण सहकारी लि. नयाँगाउँ ओ भूमिपुत्र मिलन बचत तथा ऋण सहकारी संस्थाह एक ठाउँ मर्ज करक लाग प्रयास ओ पहल हुइटि रलक जानकारी कैरल । यकर लाग सम्बन्धित संस्थाके पदाधिकारी हुक्र सक्रिय हुइपर्नाम जोड देल ।’

एकिकृत शत्रुजिव कृषि बचत तथा ऋण सहकारीके अध्यक्ष अमरबहादुर चौधरी, ‘सुर्खेतम थारु जातिनके जिम्दारिनसे महङ ब्याजम ऋण लिह पर्ना समस्या समाधानके लाग दिनदिन्चे रकमसे सुरु कर्लक भूमिपुत्र मिलन बचत तथा सहकारी संस्था विगतम थारुनके लाग बडाभारी सहयोगी संस्था बन्लक बटोइल । आब हम्र थारु ओ गैर थारु समावेश होख यी संस्थाह आघ बह्राइ पर्ना आवश्यकता औलैल ।’

कार्यक्रमम युवा कृषि सहकारी संस्थाके अध्यक्ष ऋषि गिरी, तिलपुर टोल विकास संस्थाके अध्यक्ष जागुराम थारु, माजसेवी, वुद्धिजीवि लालबहादुर थारु लगायतके वक्ता हुक्र सहकारीके विषयम आफन विचार व्यक्त कर्ल रलह । कार्यक्रमके सञ्चालन अशोक चौधरी कर्ल रलह ।

प्रकाशित मितिः   १४ बैशाख २०७९, बुधबार ०५:०४