गजल

कृष्णा चौधरी (वीनपा–११, ढोलढुङ्गा सुर्खेत)

काखर आज आफन भार हुइल जिन्दगी
उखार्ख फकैना झार हुइल जिन्दगी ।

सात जुनीसम टुहिनसे हुइना मन रह
बदल्टी रना खोल्ह्वाके धार हुइल जिन्दगी ।

ना त आघ बह्र सेक्नु ना त पाछ सर
ओहमार आज वार न पार हुइल जिन्दगी

न त अप्न हाँस सेक्नु न त रमाइ सेक्नु आज
बाँसक लठ्ठीअसक हतियार हुइल जिन्दगी ।

जोहर हेर्ठु काँटक तारकेल देख्ठु आजकाल
निक्र नैसेक्ना सक कारागार हुइल जिन्दगी ।

प्रकाशित मितिः   १४ बैशाख २०७९, बुधबार ०५:०३