काँक्रेविहार गोल्डकपको उपाधि पञ्चपुरीलाई

सुर्खेत – काँक्रेविहार गोल्डकपको उपाधि पञ्चपुरी नगरपालिकाले जितेको छ । आज भएको पेनाल्टी सुटआउटमा वीरेन्द्रनगर नगरपालिकालाई हराउँदै पञ्चपुरी उपाधि जित्न सफल भएको हो ।

फाइनल खेल आइतवार भएपनि विवाद सिर्जना भएपछि स्थगित गरिएको थियो । हिजोको खेलमा निर्धारित समयमा दुवै टिमबाट १-१ गोलको बराबरी भएपछि खेल पेनाल्टी सुटआउटमा पुगेको हो । विवाद हुनुअघि पेनाल्टीमा पनि दुवै टिमबाट १-१ गोल भएको थियो । त्यसपछि दर्शकको अवरोधका कारण खेल स्थगित हुनपुग्यो । स्थगित पेनाल्टीलाई आज निरन्तरता दिइएको हो ।

उपाधिसँगै पञ्चपुरीले एक लाख रुपैयाँ नगद पुरस्कार प्राप्त गरेको छ भने दोस्रो भएको वीरेन्द्रनगरले ५० हजार पाएको छ ।

प्रकाशित मितिः   १५ कार्तिक २०७८, सोमबार १५:४६