अनुसन्धान भइरहेको छ : जिशिका

सुर्खेतमा सञ्चालित कर्णाली एक्सपोको उद्घाटनअघि निकालिएको ¥यालीमा सहभागि बालिकाको मृत्युबारे विस्तृत अनुसन्धान भइरहेको जिल्ला शिक्षा कार्यालय सुर्खेतले जनाएको छ । ¥यालीमा सहभागि १३ वर्षीया समीक्षा आचार्यको विहीवार मृत्यु भएको थियो ।

कार्यालयले विज्ञप्तिमार्फत उक्त घटनाको सत्य तथ्य पत्ता लगाउन अनुसन्धान गरिरहेको जनाएको छ । अनुसन्धानपछि भेटिएको वस्तुगत तथ्यका आधारमा आवश्यक कारवाही प्रक्रिया अघि बढाइने कार्यालयले जनाएको छ ।

जिल्ला शिक्षा अधिकारी जीतबहादुर शाहद्धारा हस्ताक्षरित विज्ञप्तिमा भनिएको छ, ‘घटनाको बारेमा सत्य तथ्य बुझ्ने काममा मानवअधिकार आयोग र जिल्ला शिक्षा कार्यालय सुर्खेत समेत लागिरहेको छ, र अनुसन्धानबाट भेटिएको वस्तुगत तथ्यका आधारमा आवश्यक कामकारवाही अघि बढाइने छ ।’

साथै बालबालिकाहरुलाई विद्यालयबाहिरका गतिविधिमा संलग्न नगराउन समेत कार्यालयले आग्रह गरेको छ । विद्यालयबाहिरका गतिविधिमा संलग्न गराउन सम्बन्धित निकायसँग अनुमति लिन समेत कार्यालयले सबैलाई सचेत गराएको छ ।