देउवा सरकारमा माओवादीबाट शर्मा र भुसाल मन्त्री बन्ने टुङ्गो
काठमाडौँ – नेकपा (माओवादी केन्द्र) ले पहिलो चरणमा सरकारमा दुई मन्त्री पठाउने भएको छ । जसमा जनार्दन शर्मा र पम्फा भुसाल छन् ।
शर्मा र भुसाललाई कांग्रेस सभापति शेरबहादुर देउवा नेतृत्वको मन्त्रीमण्डलमा पठाउने निर्णय भएको अध्यक्ष पुष्पकमल दाहालको सचिवालयले जनाएको छ ।
माओवादी केन्द्रको स्थायी कमिटी बैठकले मन्त्री चयन गर्ने जिम्मा अध्यक्ष दाहाललाई दिएको थियो ।
राष्ट्रपति विद्यादेवी भण्डारीले मंगलवार नै देउवालाई प्रधानमन्त्री नियुक्त गरिसकेकी छन् । उनले आजै शपथ ग्रहण गर्दैछन् । आजै कांग्रेस र माओवादीबाट २/२ जना मन्त्री बनाउने तयारी छ ।
प्रकाशित मितिः २९ असार २०७८, मंगलवार १७:४१
साझा बिसौनी ।