अफिमसहित दुईजना पक्राउ

कर्णाली प्रदेश प्रहरीले १२ किलो अफिमसहित दुई जनालाई पक्राउ गरेको छ । शुक्रवार आठबिसकोट नगरपालिका–९ राडीबजार रुकुम–पश्चिमबाट उनीहरूलाई पक्राउ गरिएको हो ।

पक्राउ पर्नेमा राडीबजारस्थित धीरेन्द्र शाहको घरबाट नलगाड नगरपालिका–८ जाजरकोटका ४६ वर्षीय र सोही नगरपालिका–९ का ६० वर्षीय पुरुष छन् । उनीहरूलाई नियन्त्रणमा लिइ थप अनुसन्धान भइरहेको कर्णाली प्रदेश प्रहरी कार्यालय सुर्खेतले जनाएको छ ।
प्रहरीले पछिल्लो समय लागूऔषध प्रयोगकर्ता तथा कारोबारीलाई लक्षित गरी विशेष टोलि खटाउने गरेको छ । वन्यजन्तु चोरीसिकारी, लागूऔषध ओसारपरार र अवैध मदिरा नियन्त्रणजस्ता गतिविधिमा प्रहरीको सक्रियता बढेको छ ।

प्रकाशित मितिः   २२ कार्तिक २०७७, शनिबार ०८:००