ओली-दाहाल छलफल : निस्किएन निष्कर्ष

काठमाडौं‌ :  नेपाल कम्युनिस्ट पार्टी (नेकपा)का दुई अध्यक्ष केपी शर्मा ओली र पुष्पकमल दाहाल प्रचण्डबीचको छलफल सकिएको छ । पार्टीभित्र तीव्र विवाद देखिएर फुटकै संघारमा पुगेको बेला दुई अध्यक्षबीच प्रधानमन्त्री निवास बालुवाटारमा शुक्रबार छलफल भएको हो।

दुई घण्टा छलफल भएपनि कुनै सहमति भएन भएको छैन । भोली फेरी छलफल गर्ने गरी आजको वार्ता टुङ्गिएको छ ।

बैठकमा दुवै अध्यक्षले आ–आफ्ना कुरा राखेका थिए । केही समयदेखि जारी नेकपाभित्रको आन्तरिक विवाद जारी स्थायी समिति बैठकमा थप उत्कर्षमा पुगेको हो। बैठकमा प्रधानमन्त्री ओलीको कार्यशैलीलाई लिएर चर्को आलोचना हुनुका साथै उनको राजीनामा समेत मागिएको थियो।