१२ दिन थपियो लकडाउन, जेठ ३२ गतेसम्म निरन्तरता

काठमाडौँ — सरकारले थप १२ दिन लकडाउन जारी राख्ने निर्णय गरेको छ । शनिवार बसेको मन्त्रीपरिषद् बैठकले  जारी लकडाउनलाई जेठ ३२ गतेसम्म लम्ब्याउने निर्णय गरेको हो ।

यसअघि गत चैत ११ गतेदेखि गरिएको लकडाउन पछिल्लो पटक थप भएअनुसार यही जेठ २० गते समाप्त हुँदै थियो ।

कोरोना संक्रमितको संख्या बढेपछि सरकारले लकडाउन थप्ने निर्णय गरेको हो ।

कोरोना संक्रमितको संख्यासँगै मृतकको संख्या पनि थपिदै गएको छ । शनिवार दैलेखका एक युवाको मृत्य भएसँगै नेपालमा कोरोनाबाट मृत्यु हुनेको संख्या ७ पुगेको छ ।

यसैगरी आगामी असार १३ गतेसम्म विमानस्थल बन्द गर्ने निर्णय पनि सरकारले गरेको छ ।