मृतकको संख्या बढ्दो

सुर्खेत: रसुवाको भोटेकोशी बाढीमा मृत्यु हुनेको संख्या एक हजार तीन सय ५८ पुगेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार, मंगलवार साँझ ६ बजेसम्म बाढीमा मृत्यु भएका एक हजार तीन सय ५८ जनाको शव भेटिएको छ ।

सबैभन्दा बढी चितवनमा तीन सय ६३ जनाको शव भेटिएको हो । यस्तै, रसुवामा एक सय ७० जना, नुवाकोटमा एक सय ९७ जना, धादिङमा ७० जना, गोरखामा ७५ जना, तनहुँमा ३८ जना, नवलपरासी पूर्वमा दुई सय २३ जना र नवलपरासी पश्चिममा दुई सय २२ जनाको शव भेटिएको हो ।

बाढीका कारण अझै पाँच हजार तीन सय २६ जना सम्पर्कविहीन छन् । मृत भेटिएकाहरूमध्ये एक सय दुई जनाको शव परिवारलाई हस्तान्तरण गरिएको छ । अन्य एक हजार दुई सय ५६ जनाको पहिचान खुल्न सकेको छैन ।

प्राधिकरणका अनुसार हालसम्म पाँच तीन सय २६ जना सम्पर्कविहीन छन् । उनीहरूमध्ये सबैभन्दा बढी रसुवाबाट दुई हजार आठ सय ६० जना हराएका छन् । सम्पर्कविहीन भएकाहरूको खोजी तथा उद्दार चलिरहेको छ । जलविद्युत आयोजनाहरूमा नेपाली तथा विदेशी टोलीले खोज तथा उद्धार जारी राखेको छ । भोटेकोसी नदी किनार र जलविद्युत आयोजनाका सुरुङमा खोजी भइरहेको प्राधिकरणले जनाएको छ ।

प्रकाशित मितिः   २४ भाद्र २०८३, बुधबार ११:३८