सुर्खेतमा रत्गैया सम्मेलन सम्पन्न

यह गैलक फागुनके ३० गते वीरेन्द्रनगर २ कोलडाँडाम रत्गैया परिवार समाज सुर्खेतके आयोजनाम छैठौँ केन्द्रिय गोत्यार सम्मेलन तथा दोस्रो अधिवेशन २०८२ सम्पन्न कर्ल बा । दोसर अधिवेशनमसे केन्द्रीय समितिम अध्यक्ष पृथ्वी रत्गैया (दाङ), उपाध्यक्षम महादेव रत्गैया (बर्दिया), महासचिवम महेश रत्गैया (बाँके), सचिवम राम दिवानी रत्गैया (कैलाली), कोषाध्यक्षम रेनुका रत्गैया (कञ्चनपुर), सदस्यम देवेन्द्र रत्गैया दाङ, धनादेवी रत्गैया दाङ, अनिल रत्गैया दाङ, रामप्यारी रत्गैया बाँके, मदन रत्गैया बाँके, तिर्थरानी रत्गैया बर्दिया, लिलाराम रत्गैया कैलाली, कृष्णबहादुर रत्गैया कैलाली, हेमलाल रत्गैया कञ्चनपुर, चैतुराम रत्गैया सुर्खेत, कालुुराम रत्गैया सुर्खेत कैख १६ सदस्यीय कार्य समिति गठन कैगिल बा । समितिके सल्लाहकारम लिक बहादुर ररत्गैया दाङ, तुलसीराम रत्गैया बाँके ओ दयाशंकर रत्गैया बर्दिया रहल बाट ।

कार्यक्रमम विभिन्न जिल्लाम रलह रत्गैया थरके आपन गोत्रके पहिचान कैक आपन रिटभाटके बारेम विचार आदानप्रदानफे कैगिल बाट रत्गैया परिवार सुर्खेतके जिल्ला अध्यक्ष शम्भुदयाल रत्गैया जानकारी करैल । सात जिल्लाके रत्गैया परिवारके सहभागी रहल सम्मेलनम थारु जातिभिट्टर विविध थर उपथर, गोत्र पहिचानले आपसी सद्भाव बहर्नाके साथसाथ सामाजिक चेतनाके अभिवृद्धि हुइना हुइलक ओहर्से चेलिबेटीके सोलीडोलिम अप्ठ्यार निपर्ना बात ढर्ल ।

कार्यक्रमम थारु कला झल्कना मेरमेरिक नाच प्रस्तुत कैगिल रह । कार्यक्रमके सञ्चालन महेश रत्गैया कर्ल रलह ।

प्रकाशित मितिः   ११ चैत्र २०८२, बुधबार १०:२४