कोपिला भ्यालीको वार्षिकोत्सव
सुर्खेत: कोपिला भ्याली स्कुल सुर्खेतको १३औँ वार्षिकोत्सव तथा अभिभावक दिवस सम्पन्न भएको छ । स्कुलका निर्देशक टोपबहादुर मल्लको अध्यक्षता तथा कर्णाली प्रदेशका मुख्यमन्त्री राजकुमार शर्माको प्रमुख आतिथ्यतामा शुक्रवार वार्षिकोत्सव मनाइएको हो ।
मुख्यमन्त्री शर्माले विपन्न बालबालिकाहरूको साहारा हुनुका साथै गुणस्तरीय शिक्षा प्रदानमा कोपिला भ्याली स्कुलले प्रशंसनीय प्रयास गरेको बताए । कर्णालीका अन्य विद्यालयका लागि पनि स्कुल अनुकरणीय रहेको उनको भनाइ थियो ।
कार्यक्रममा कक्षा नर्सरीदेखि १२ कक्षासम्मका विद्यार्थीहरूले विभिन्न सांस्कृतिक प्रस्तुति देखाएका थिए । विद्यार्थीले कर्णालीको हुड्के नाचदेखि धिमाल नाच, मारुनी नाच, तामागंसेलो नाच लगायतका विभिन्न नाच तथा कवितासमेत वाचन गरेका थिए ।
साझा बिसौनी ।