नन्दालाई तेक्वान्दोमा स्वर्ण

सुर्खेत: कोरियामा सम्पन्न विश्व स्योङ्नाम हान्मादाङ अन्तराष्ट्रिय तेक्वान्दो च्याम्पियनसीपमा नन्दा बस्यालले स्वर्ण जितेकी छिन् । राष्ट्रिय खेलकुद परिषद् राखेपकी कार्यकारी बोर्ड सदस्यसमेत रहेकी सुर्खेतकी नन्दाले फाइनलमा इरानलाई हराउँदै स्वर्ण जितेकी हुन् ।
नन्दाले साइड ब्याककिक ब्रेकिङ विधाको सिनियर मास्टरमा पहिलो स्थान हात पारेकी हुन् । ५७ वटा राष्ट्र सहभागी प्रतियोगितामा नेपालबाट नन्दासहितका खेलाडी सहभागी छन् ।

खेलकुदको कार्यकारी निकायमा बसेर काम गरिरहेकी नन्दाले सक्रिय खेल जिवनलाई समेत निरन्तरता दिँदै आएकी छिन् । उनी कलाकारसमेत हुन् ।

प्रकाशित मितिः   ८ श्रावण २०८०, सोमबार ०९:०७