संसदीय समितिको सभापति छान्न निर्वाचन

सुर्खेत: कर्णाली प्रदेशसभा संसदीय समितिका सभापति चयनका लागि मिति तय गरिएको छ । सभापति चयनका लागि जेठ १४ गते निर्वाचनको मिति चय गरिएको हो ।

बिहीवार बसेको बजेट अधिवेशनको दोस्रो बैठकमा सभामुख नन्दा गुरुङले संसदीय समितिको निर्वाचन १४ गते आइतवार गर्न निर्देशन दिएकी हुन् । गुरुङले आइतवार बिहान ११ बजे सम्पन्न गर्नेगरी निर्वाचन कार्यतालिका सार्वजनिक गर्न सचिवालयलाई निर्देशन दिएकी छन् । प्रदेशसभा गठन भएको तीन महिनाभित्र समिति गठन गरिसक्नुपर्ने भएपनि कर्णालीमा गठन हुन् सकिएको छ ।

यसअघि सम्बन्धित दलहरूबाट नाम पठाउने काम भएपनि सभापतिका लागि निर्वाचन हुन सकिरहेको थिए । कर्णालीमा सार्वजनिक लेखा समिति, सामाजिक विकास समिति, अर्थ तथा प्राकृतिक स्रोत साधन समिति र प्रदेश मामिला समिति गरी चार वटा समितिहरू रहेका छन् ।

प्रकाशित मितिः   १२ जेष्ठ २०८०, शुक्रबार ०५:०१