सुर्खेतम थारु समुदाय मनैल विविध कार्यक्रमसहित माघ पर्व

सुर्खेत: थारुनके महान पर्वके अवसरम सुर्खेतके वीरेन्द्रनगर ९ तिलपुरमा लखागिन थारु उत्थान मञ्च, सुर्खेतके मूल आयोजना ओ राष्ट्रिय थारु कलाकार मञ्च, सुर्खेत, अर्गानिक सामुदायिक होमस्टे तिलपुरके सहआयोजनाम संयुक्त रूपम पुुस २९ ओ ३० गते दुई दिनसम माघक महŒवबारे प्रशिक्षण, मघौटा नाचके जुझिकजुझा एवम् ढुमरु गीतके सांगितिक रात्री सांस्कृृतिक नाचगान कैख माघ महोत्व कार्यक्रम तथा सांस्कृतिक कार्यक्रम सम्पन्न हुइल बा ।

यह माघ महोत्सव कार्यक्रमके अवसरम सुर्खेतके थारु संस्कृतिविद मान बहादुर चौधरी पन्नाके लिखल थारु समुदाय बारे लिखल अनुसन्धानमूलक पोष्टा हाम्रो थारु समाज तथा संस्कृति पुस्तकके विमोचन हुइल बा । पन्नाद्वारा लिख्गिल यी पुस्तकम सुर्खेती थारुनके इतिहास, थारु समुदायके सामाजिक जनजीवन, थारु समुदायम बेल्सना विभिन्न क्षेत्रसे सम्बन्धित थारु शब्दभण्डार, थारु व्याकरणसम्बन्धी अनुसन्धान कैगिल बा ।

कार्यक्रमके बर्का पहुना एवम् सुर्खेत वीरन्द्रनगर नगरपालिकाके नगरप्रमुख मोहनमाया ढकाल कृतिके विमोचन कर्ल रलही । शुभकामना मन्तव्य देति बर्का पहुना ढकाल–‘नेपाल विविधताम एकता हुइलक देश हो । थारु समुदाय नेपालके किल नाहि सुर्खेत उपत्यकाके फे मूल आदिवासी हुइट । थारु समुदायके ऐतिहासिक चाड माघम सक्कु गाउँसे जम्मा होख मनैना कार्यले संस्कृति संरक्षणम महŒवपूर्ण योगदान पुग्ना बटोइली । असिन रचनात्मक कार्यक्रमले थारु संस्कृति संरक्षणम टेवा पुग्ना हुइलक ओहर्से असिन कार्यक्रमह अहमस व्यापक ओ बृहत कर्टि जाइ पर्ना सुझाउ देली । संस्कृति देशके पहिचान ओ चिनारी हुइलक कारण थारु समुदायक लाग नगरपालिकामसे हुइना सक्कु किमिसके सहयोग हुइना धारणा व्यक्त कर्लि ।’

कार्यक्रमके विशेष अतिथि वीरेन्द्रनगर नगरपालिकाके नगर उपप्रमुख निलकण्ठ खनाल ‘थारु समुदायको कला संस्कृति संरक्षणके लाग नगरपालिकामसे आगामी दिनम थारु समुदाय मौलिक संस्कृति माघ पर्वके लाग हरेक वर्ष निश्चित बजेट विनियोजन कैख सहयोग कर्ना प्रतिवद्धता जनैल । सुर्खेतके प्रत्येक गाउँम थारुनके धार्मिक स्थल साझा ठन्वा निर्माण कार्य ५ वर्षम ३८ गाउँम पूरा कर्ना योजना रलक बात सुनैल । कला संस्कृतिम धनी रहल थारु समुदायके पहिचान धरोहर माघ पर्व फे एक हो । यिहीह बचैना जिम्मा सरकार फे दायित्व बोध कर पर्ना जिकिर कर्ल ।’

कार्यक्रमम माघ पर्वके महŒव एवम् मौलिकताके बारेम लौव पुस्ताह थाहा निहुइना हुइलक ओहर्से संस्कृतिप्रति सद्भाव हेरैटी गैलक ओहर्से २०७९ सालके माघ महोत्सवम यी पर्वके महत्व बारे प्रशिक्षण, मघौटा नाचक जुझिकजुझा (प्रतिस्पर्धा) ओ पुसक अन्तिम दिन राट्ख गाजिना ढुमरु गीतके सांगितिक प्रस्तुतिसहित कार्यक्रम मनागिल बात लखागिन थारु उत्थान मञ्च सुर्खेतके सचिव जे.बि. डेमनडौरा जनैल ।

लखागिन थारु उत्थान मञ्च सुर्खेतके अध्यक्ष मान बहादुर पन्ना माघ थारुनके विशेष पर्व हुइलक ओहर्से कर्णाली प्रदेशके वीरेन्द्रनगरम केल बसोबास रहल थारु स्थानीय तहके सरकारसे थारु समुदायक कर्मचारी, शिक्षक, विद्यार्थीन दुई दिनसम बिदा दिहपर्ना माग कर्ल । लुम्बिनी र सुदूरपश्चिम प्रदेशम हरेक वर्ष थारु समुदायम दुई दिनसम सार्वजनिक बिदा देटिरहल अवस्थाम सुर्खेती थारु समुदाय अन्यायम पर्लक गुनासो फे कर्ल  ।

पुुस २९ गते कैगिल प्रशिक्षण कार्यक्रमम माघ पर्वके महत्वके बारे कार्यपत्र थारु संस्कृतिविद एवम् साहित्यकार मानबहादुर चौधरी ‘पन्ना’ प्रस्तुत कर्ल रलह । कार्यपत्रम थारु समुदायके महान पर्व माघ मनैना विधि तौरतरिका, समुदायम यी पर्वक महत्व र वर्तमान अवस्थाम संस्कृतिम परल प्रभाव ओ चुनौेती एवम् लौव पुस्ता आफन संस्कृतिह आत्मसात करपर्ना लगायतके विषय उठान कैगिल रह ।

कोष तथा लेखा नियन्त्रण कार्यालय जुम्लाके प्रमुख जागुराम चौधरी ‘सुर्खेतके थारु समुदायके भाषा, कला संस्कृति संरक्षण संवद्र्धन कर्ना थारु हुक्र अप्न फे जागरुक हुइ पर्नाम जोड देति आब राजनीतिम फे अघारि बह्र पर्ना ओ वाड सदस्यम केल नाहि वडा अध्यक्ष, नगर प्रमुख उपप्रमुखम समेत फड्को मार पर्ना सुझाव देल । युवाह पुरान पुर्खा हुक्र सिखाइ पर्ना ओ युवा हुक्र फे आफन संस्कार संस्कृतिह मैया कर्टि जर्गेना करपर्नाम जोड देल । थारु समुदाय कला संस्कृति केल नाहि खेलकुदतर्फम फेन आघ बह्र पर्ना सुझाव देल । युवा हुक्र आझुके परिवेशमा सांस्कृतिक रूपान्तरण कर पर्ना जरुरी हुइलसे फे मौलिकताह भुलक निहुइनाम जोड देल ।’

कार्यक्रमम थारु कल्याण कारिणी सभाका केन्द्रीय सदस्य कृष्ण बहादुर थारु, थाकसका जिल्ला सभापति बेचुलाल चौधरी, थारु वुद्धिजीवि लाल बहादुर चौधरी, मानबिर थारु, सनिसरा महतम, अमर चौधरी, शेर बहादुर थारु कालुराम दहित लगायतका वक्ता हुक्र माघक शुभकामना व्यक्त कर्टि थारुनके मौलिक पहिचान बचाइक लाग सबजन साथ दिह पर्नाम जोड देल रलह ।

कार्यक्रमम लखागिन उत्थान मञ्च, सुर्खेतके उपाध्यक्ष लोकबहादुर चौधरी स्वागत मन्तव्य देल रलह । मघौटा नाच जुझिकजुझाम वीनपा ९, तिलपुर गाउँक अग्घ्वा(प्रथम), वीनपा २, कोलडाँडा नयाँवस्तीके दुग्घ्वा (द्धितीय),वीनपा १०, पदमपुरके (टिग्घ्वा)तृतीय र वीनपा ३ तातापानीक चौठा (सान्त्वना) स्थान प्राप्त कर्ल रलह । जुझिकजुझाम जितुइयन कार्यक्रमके बरघ¥या (सभाध्यक्ष) मान बहादुर पन्ना ओ विशेष अतिथि जागुराम चौधरी पुरस्कार ओ प्रमाण पत्र प्रदान कर्ल रलह ।

माघ महोत्वस कार्यक्रमम स्थानीय निर्वाचनम निर्वाचित वाड सदस्यन रमेश चौधरी, सरिता चौधरी, लक्ष्मी चौधरी ओ मानबहादुर चौधरीह हार्दिक बधाइ तथा सम्मान कैगिल बात उपाध्यक्ष लोकबहादुर चौधरी जनैल । ओसहख थारु समुदायम भाषा, कला, संस्कृतिम संरक्षणम विशेष योगदान पुगैलक वीनपा २, कोलडाँडाके मानबिर थारु, ठौरीके टेकबहादुर चौधरी, फलाँटेके कालिका चौधरी ओ वीनपा १०, बुदबुदीके बिन्दु चौधरीह सम्मान कैगिल रह । कार्यक्रमम विभिन्न गाउँ गाउँसे आइल थारु कलाकार हुक्र थारु नृत्य एवम् गीतसमेत प्रस्तुत कैगिल रह । कार्यक्रमके सञ्चालन लखागिन थारु उत्थान मञ्च सुर्खेतका सचिव जे.बि. डेमनडौरा ओ मान कुमारी चौधरी कर्ल रलह ।

माघक उपलक्ष्यम ड्वार कार्यक्रम थारु कल्याण कारिणी सभा, सुर्खेतके आयोजनामा वीनपा ९ कालिमाटि गाउँम माघ ३ गते विविध सांस्कृतिक नाचसहित माघिमिलन कार्यक्रम सम्पन्न कर्ल बा । कार्यक्रमके बर्का पहुना ९ नं के वडाअध्यक्ष ऋषि गिरी थारु समुदाय कला संस्कृतिके धनी समुदाय हो । थारुनके कला संस्कृति बचाइक लाग युवा ओ बुह्रापाका सब मिल्ख बह्र पर्ना सुझाव देल । कार्यक्रम थाकसके सभापति बेचुलाल चौधरीके सभाध्यक्षम सम्पन्न हुइ रह । कार्यक्रमके सञ्चालन सचिव डिलबहादुर चौधरी कर्ल रलह ।

प्रकाशित मितिः   ११ माघ २०७९, बुधबार ०५:०१