माघ महोत्सव तयारी बैठक सम्पन्न

सुर्खेत: लखागिन थारु उत्थान मञ्च सुर्खेतके मूल आयोजक ओ राष्ट्रिय कलाकार मञ्च सुर्खेत, सहआयोजनाम माघ महोत्सव मनैना निर्णय पारित कैगिल बा ।

लखागिन थारु उत्थान मञ्च, सुर्खेतके आग्रहम बैठगिल बैठकम आम बुद्धिजिवि, समाजसेवी, कलाकारके संयुक्त बैठकमसे यी निर्णय कैगिलक कलाकार मञ्चके महासचिव राजु चौधरी जनैल । कार्यक्रमह भव्य रुपम मनाइक लाग सांस्कृतिक उपसमिति, प्रचार प्रसार उपसमिति, व्यवस्थापन समिति आदि गठनसमेत कैगिलक लखागिन उत्थान मञ्चके सचिव जित बहादुर चौधरी जनैल बाट ।

अखिस कर्ना माघी महोत्सवम थारुन्हक महान पर्व हुइलक कारण माघक महत्व ओ परम्परा चालचलनके बारेम पुस्तान्तरण कर्ना उद्देश्यले युवा पुस्तन प्रशिक्षण तथा गीत गजल कविता फे वाचन कर्ना, मघौटा नाचके प्रतियोगिता करैनासमेत आयोजक जनैल बा । माघ महोत्सव यह पुुसके २९ ओ ३० गते तिलपुरम कर्ना निर्णय कैगिल बात बैठकके सहभागी हुक्र जनैल ।

प्रकाशित मितिः   १३ पुष २०७९, बुधबार ०५:०२