सातौँ थारू साहित्य सम्मेलनके विशेष तयारी बैठक

सुर्खेत: हरेक बरष सम्मेलन कर्टी अइलक थारू लेखक संघ नेपालके ७औँ राष्ट्रिय थारू साहित्य सम्मेलनके कार्य समितिक असोज २९ गतेक बैठकले लुम्बिनी प्रदेशके बाँके जिल्लाम कर्ना निर्णय कर्ल बा । कार्यक्रम कोहलपुर, बाँकेस्थित कोहलपुर पार्टी प्यालेसमा हुइलक हो । बैठकम बाँके जिल्लक लक्ष्मी चौधरी ओ श्रीदेवी चौधरीह कार्यक्रम तयारी समितिके संयोजक चयन कैगिल बा ।

बाँकेम थारु साहित्यिक गतिविधिम शून्य अवस्था रहल ब्यालम ७औँ राष्ट्रिय साहित्य सम्मेलनले यी जिल्लम लौव स्रष्ट्रा हुकहन सिख्ना एवम् हौसला पैना अवसर मिल्ना ओ सम्मेलनम थारु भाषा, साहित्य, लोक कला संस्कृति संरक्षण, सम्वर्धन ओ प्रवर्धनम योगदान पुग्ना हुइलक ओहर्से सम्मेलन महŒवपूर्ण हुइना सहभागी जनैल । बाँकेम थारु साहित्यिक गतिविधि कर्ना हुइलक कारण कार्यसमितिह धन्यवाद देती कोहलपुरके व्यापारीद्धय जितेन्द्रकुमार थारु ओ पशुपति चौधरी जनही १०÷१० हजार सहयोग कर्ना प्रतिवद्धता कर्ल बाट ।

विशेष तयारी बैठकमा थारु साहित्यकार संस्कृतिविद सुशिल चौधरीके एकल कविता वाचन कैगिल रह । चौधरीके कृति ‘बिरहुल बसिया ‘नामक कविता सङ्ग्रह प्रकाशित बाटिन् । कार्यक्रम उहाँ ओह सङ्ग्रहमसे आजको मान्छे, सत्य ओ न्याय, भ्वङ्गला बिहान, रम्ट रम्ट, बिरहुल बसिया ओ मेरो पहिचान नामक शीर्षक कविता वाचन कर्ल रलह । उहाँक कविता लगायत कार्यक्रम उपस्थित दर्जनौ कवि हुक्र कविता वाचन कर्ल रलह । वाचित कविता ओ सुशिल चौधरीके कविताम देशके समसामयिक अवस्था, शोषित पीडित निम्न वर्गके दासत्व प्रवृत्तिके विरुद्ध अहमन मुक्ति निहुइलक आवाज शङ्घोष कैगिल भाव व्यक्त रलक ओ नेपालके तराई, पहाड, हिमालके पहिचानके हरेकके आफन अस्तित्वके मूल्य रलक राष्ट्रियता आवश्यकता रलक अंगुरैटि कविताके समीक्षा वरिष्ठ साहित्यकार डा. कृष्णराज सर्वहारी कर्ल रलह ।

कार्यक्रम बाँके लगायत बर्दिया कैलाली, कञ्चनपुर, दाङ, काठमाडौं ओ सुर्खेतसे विभिन्न साहित्यकारके प्रतिनिधि उपस्थित रलह । कार्यक्रमके सहकार्यम जंग्रार साहित्यिक बखेरी ओ पूर्णिमा साहित्य प्रतिष्ठानके सख्लार्हाम नेपाल थारु लेखक संघके व्यार्नरम सम्पन्न हुइ रह ।

यिहीसे आघ ६ठौँ थारु राष्ट्रिय साहित्य सम्मेलन कञ्चनपुरके कृष्णपुर नगरपालिकाम सम्पन्न हुइल रह ।

प्रकाशित मितिः   २ कार्तिक २०७९, बुधबार ०५:०१