पातारासीको अध्यक्षमा कांग्रेस, उपाध्यक्षमा माओवादी

।

जुम्ला- जुम्लाको पातारासी गाउँपालिकाको अध्यक्षमा नेपाली कांग्रेसका पूर्णसिंह बोहोरा विजयी भएका छन् । उनले दुई हजार सात सय ६८ मत पाए ।

उनका प्रतिस्पर्धी नेकपा (माओवादी केन्द्र)का उम्मेदवार हरिबहादुर बुढाले दुई हजार ६ सय ६८ मत ल्याएका छन्।

उपाध्यक्षमा भने माओवादी केन्द्रका उम्मेदवार विजयी भएका छन् । माओवादीका जनमाया रोकाया दुई हजार सात सय ५४ मत ल्याएका उपाध्यक्षमा निर्वाचित भएकी हुन् । उनका निकटतम प्रतिस्पर्धी कांग्रेसकी शान्ति बुढाले दुई हजार चार सय ६३ मत पाइन् ।

प्रकाशित मितिः   ३ जेष्ठ २०७९, मंगलवार १२:३५