आजदेखि एसईई

सुर्खेत: आज (शुक्रवार)देखि माध्यमिक शिक्षा परीक्षा (एसईई) सुरु हुँदैछ । कोरोना महामारीका कारण शैक्षिक वर्ष २०७६ र २०७७ मा आन्तरिक मूल्याङ्कनलाई नै प्रमाणीकरण गरेको राष्ट्रिय परीक्षा बोर्डले यो वर्ष भने भौतिक उपस्थितिमा नै परीक्षा सञ्चालन गर्न लागेको हो ।

एसईईमा सबैभन्दा बढी काठमाडौंबाट ३६ हजार र सबैभन्दा कम मनाङबाट २९ जना विद्यार्थी सहभागी हुने एसईई परीक्षा नियन्त्रक अर्जुन रायमाझीले जानकारी दिए । बोर्डले दुई हजार सात परीक्षा केन्द्र र एक उपकेन्द्रबाट परीक्षा सञ्चालन गर्ने तयारी गरेको छ । बोर्डले यो वर्ष नवलपुर जिल्लामा एक उपकेन्द्र तोकेको छ । परीक्षा नियन्त्रण कार्यालयको अनुसार २०७८ को एसईईमा कूल पाँच लाख १४ हजार सात सय ६० परीक्षार्थी सहभागी हुनेछन् ।

प्रकाशित मितिः   ९ बैशाख २०७९, शुक्रबार ०५:०१