मोरिससविरुद्ध नेपालको लगातार दोस्रो जित

मोरिससविरुद्धको दोस्रो मैत्रीपूर्ण खेलमा पनि नेपाल विजयी भएको छ । आज भएको खेलमा १-० गोलको जित निकाल्दै नेपालले मोरिससविरुद्ध लगातार दोस्रो जित हात पारेको हो ।

नेपाललाई जिताउन सुजल श्रेष्ठले निर्णायक गोल गरे । उनले खेलको १०औँ मिनेटमा गरेको गोल नै नेपालको जितमा निर्णायक बनेको हो ।

 मोरिससले १२ औँ मिनेटमा पेनाल्टीको माैका पाएको थियो । तर मोरिससका कप्तान एन्डी सोफीले पेनाल्टीमा गोल गर्न सकेनन् । उनको प्रहार गोलरक्षक तथा कप्तान किरणकुमार लिम्बुले उत्कृष्ट बचाउ गरेका थिए ।

यसअघि शनिवार भएको मोरिससविरुद्ध पहिलो मैत्रीपूर्ण खेलमा १–० गोलको जित निकालेको थियो ।

प्रकाशित मितिः   १८ माघ २०७८, मंगलवार १८:५७