प्रज्ञा पाठशालालाई अन्तर्राष्ट्रिय अवार्ड

सुर्खेत: वीरेन्द्रनगरमा रहेको प्रज्ञा पाठशालाले अन्तर्राष्ट्रिय अवार्ड पाएको छ । ब्रिटिस काउन्सिल नेपालद्वारा आयोजित ‘पूर्ण इन्टरनेशनल स्कूल अवार्ड–२०१९/२०२०’ जित्न सफल भएको हो ।

उक्त अवार्ड पाउने प्रज्ञा कर्णाली प्रदेशको पहिलो निजी विद्यालय रहेको विद्यालयका प्रिन्सिपल रूपेश भण्डारीले जानकारी दिए । उनका अनुसार यो पुरस्कार तीन वर्षको लागी मान्यता प्राप्त छ । विद्यालयले अब विश्वका विभिन्न देशका विद्यालयहरूसँग अन्तर्राष्ट्रिय सम्बन्ध र सहकार्य विस्तार गर्न सक्नेछ । अन्तर्राष्ट्रिय सहयोगी परियोजनाहरूमा सहभागी हुने अवसर पाएको प्रिन्सिपल भण्डारीले जनाए ।

प्रकाशित मितिः   १३ माघ २०७८, बिहीबार ०५:०१