सहकारी शिक्षा शिविर

वीरेन्द्रनगरस्थित स्वावलम्बी बचत तथा ऋण सहकारी संस्थाले आफ्ना सदस्यहरूका लागि सहकारी शिक्षा शिविर सञ्चालन गरेको छ । वार्षिक कार्ययोजनाअनुसार संस्थामा आवद्ध नयाँ तथा सम्भावित सदस्यहरूलाई सहकारी सम्बन्धी आधारभुत शिक्षा प्रदान गरेको हो ।

सहकारीका अध्यक्ष खड्कबहादुर थापाले कार्यक्रमको औचित्यमाथि प्रकाश पार्दै सहकारी सफल हुने आधारभूत मान्यतालाई आत्मसाथ गर्न तालिम आयोजना गरिएको बताए । नेफ्स्कुनका फिल्ड इन्चार्ज छत्र धमला, शिक्षा उपसमितिका संयोजक गंगा न्यौपाने र संस्थाका प्रबन्धक उपेन्द्रकुमार थापाले तालिममा प्रशिक्षण दिएका थिए ।

कार्यक्रममा सहकारीका मूल्य, मान्यता, सिद्धान्त, संस्थाको गतिविधि, सहकारी संस्थामा आवद्ध भए पछिका फाइदा र अवसरबारे जानकारी गराइएको थियो ।

प्रकाशित मितिः   २५ फाल्गुन २०७७, मंगलवार ०७:३६