बाबुले घरमा आगो लगाउँदा दुई छोराको मृत्यु

बाबुले आफ्नै घरमा आगो लगाउँदा दुई छोराको जलेर मृत्यु भएको छ भने एक छोरा घाइते भएका छन् । कालीकोटको नरहरिनाथ गाउँपालिका–७, दुधेलीस्थित भैरे बटालाले आफ्नो घरमा आगो लगाएका हुन् । प्रहरीका अनुसार अत्याधिक मदिरा सेवन गरेका भैरेले घरायसी झगडाका कारण बुधवार बिहान चार बजेतिर छोराहरू सुतिरहेको अवस्थामा घरमा आगो लगाएका थिए ।

जलेर दुई छोराको मृत्यु भएको जिल्ला प्रहरी कार्यालय कालीकोटका प्रमुख, प्रहरी नायव उपरीक्षक (डीएसपी) चक्रबहादुर शाहले बताए । डीएसपी शाहका अनुसार आगोले जलेर मृत्यु हुनेमा उनका १२ वर्षीय छोरा गणेश बटाला र ७ वर्षीय मनबहादुर बटाला रहेका छन् । त्यस्तै अर्का ४ वर्षीय छोरा खगेन्द्र बटाला घाइते भएका छन् । भैरेले घरमा आगो लगाए लगतै विष सेवन गरेका थिए ।

प्रकाशित मितिः   १ माघ २०७७, बिहीबार ०६:००