आश्रममा फलफूल वितरण

वृद्धाश्रममा रहेका ज्येष्ठ नागरिकलाई फलफूल वितरण गरिएको छ । नेपाल निर्माण व्यवसायी एकता समाज सुर्खेतले सोमवार राष्ट्रिय निर्माण दिवसको अवसरमा वीरेन्द्रनगरस्थित प्रशान्ति वृद्धाश्रममा फलफूल वितरण गरेको हो ।

समाजका अध्यक्ष जनकबहादुर रावलले आश्रममा रहेका ३० जना वृद्धवृद्धालाई फलफूल वितरण गरेको बताए । समाजले वृद्धवृद्धालाई हर्लिक्स पनि वितरण गरेको छ । आफूहरूले राष्ट्रिय निर्माण दिवसको अवसर पारेर ज्येष्ठ नागरिकलाई थोरै भए पनि सहयोग गरेको अध्यक्ष रावलले बताए ।

 

प्रकाशित मितिः   २३ मंसिर २०७७, मंगलवार ०६:००