सहकारी व्यवस्थापन तालिम सुरु

भूमि व्यवस्था, कृषि तथा सहकारी रजिस्ट्रारको कार्यालय कर्णाली प्रदेशको आयोजनामा सहकारी नेतृत्व तथा व्यवस्थापन विकास तालिम सुरु भएको छ । मंगलवारदेखि सुर्खेतको दशरथपुरमा पाँच दिने तालिम सुरु गरिएको हो ।

तालिममा सुर्खेतका विभिन्न सहकारी संस्थाका २५ जना सञ्चालक पदाधिकारी र कर्मचारीको सहभागिता रहेको छ । सहकारी संस्थाको क्षमता विसका गर्ने, नेतृत्व विकास गर्ने र व्यवस्थापन प्रभावकारी बनाउने उद्देश्यले तालिम सञ्चालन गरिएको जनाइएको छ । तालिमको पहिलो दिन खेमराज आचार्य, यज्ञप्रसाद ढकाल, इन्द्रा चपाई र विकेन्द्र ढकालले सहजिकरण गरेका थिए ।

प्रकाशित मितिः   १७ मंसिर २०७७, बुधबार ११:४१