किसानलाई डाले घाँसका बिरुवा

किसानलाई डाले घाँसका बिरुवा वितरण गरिएको छ । सिम्ता गाउँपालिकाका किसानलाई डालेघाँसका बिरुवा वितरण गरिएको हो । गाउँपालिकाको दुई लाख आर्थिक सहयोगमा पशु सेवा शाखाले घाँसका बिरुवा वितरण गरेको पशु सेवा शाखाका प्रमुख दिलबहादुर पुनले जानकारी दिए ।

उनका अनुसार १० हजार किम्बुका बिरुवा, १५ हजार सेट सुपर मेयपेर डालेघाँस, भुइँ घाँस (बहुवर्षीय) घाँसका बिरुवा वितरण गरिएको छ । सिम्ताका नौ वटै वडाका कृषक, कृषि समूह, कृषि सहकारी समूह र निजी फारमहरू गरी करिब एक हजार किसानलाई उक्त घाँस वितरण गरिएको हो ।

बिहीवार किसानलाई घाँसका बिरुवा वितरण गर्दै गाउँपालिका उपाध्यक्ष चन्द्रकला शाहीले उन्नत जातका भैंसी, बाख्रा, बोका, गाई वितरणपछि उक्त पशु चौपायाको लागि आवश्यक खेतबारीका डिलमा उम्रने घाँसहरू वितरण गरिएको जानकारी दिइन् ।

प्रकाशित मितिः   ५ असार २०७७, शुक्रबार ०६:०२