संक्रमित भनिएका तीन जनामा कोरोना नभएको पुष्टि
सुर्खेत : कोरोना भाइरस (कोभिड-१९) संक्रमित भनिएका कर्णालीका तीन जनामा संक्रमण नभएको पाइएको छ ।
सामाजिक विकास मन्त्रालय, स्वास्थ्य सेवा महाशाखाले जेठ १९ गते विज्ञप्तिमार्फत सल्यानको वनगाड कुपिन्डे नगरपालिका-३ का १७ र १९ वर्षीय दुई जना पुरुष तथा दैलेखको चामुण्डा विन्द्रासैनी नगरपालिका-७ का ४५ वर्षीय एक जना पुरुषमा कोरोना संक्रमण पुष्टि भएको जनाइएको थियो ।
तर उक्त सूचना गलत भएको पाइएको हो ।
महाशाखाले आज विज्ञप्तिमार्फत नै भुलवश उनीहरु तीन जनामा संक्रमण देखिएको रिपोर्टिङ भएको भन्दै सच्याएको छ ।
कर्णालीमा बिहीवारसम्म ३ सय ८९ जनामा कोरोना संक्रमण पुष्टि भएको छ ।
प्रकाशित मितिः २२ जेष्ठ २०७७, बिहीबार १६:१७
साझा बिसौनी ।