स्कुल जैना रहर लागठ
छुटी छुटी बाबुभैया स्कुल जैना रहर लागठ,
स्कुलसे आके होम वर्क कैना रहर लागठ ।
कखरा, एबिसि पर्हके हमरे ज्ञानी बनबी,
ढेर पर्हके भन्डो इनाम पैना रहर लागठ ।
हमार भासा कला संस्कृति कट्रा मजा,
टबेमारे मजा मजा गीत गैना रहर लागठ ।
संघरियनसे मिलमिल बुक्रीभाँरा खेल्ठी,
मिठ मिठ टिना पकाके खैना रहर लागठ ।
नुकिक साँढा कुइली डिडी घोघो रानी फेन,
किताबक घर बना बना छैना रहर लागठ ।
सागर कुश्मी ।