मुक्तक
१
कमैयनके नम्बरी घर नै हुइन अभिन ।
टुट्ली झोपरीम् खर नै हुइन अभिन ।
आँढी बयाल आके ऊ झोंपरपट्टीहे,
कब उराइठ कौनो भर नै हुइन अभिन ।
२
बेपत्ता कम्लहरीन् मुक्त हुइही कैह्या ?
स्वतन्त्र होके मुहार ढुइही कैह्या ?
बैठल जग्गा जमिन पर्टी बटिन् वहाँ,
अपन नाउँमे अन्नबाली बुइही कैह्या ?
३
कैयौं कमैयन्के घरम् खैना गास नैहुइन ।
जिभरके सुट्ना अपन निजी बास नैहुइन ।
सरकार हम्रहिन लालपुर्जा डेहवाई कैह्के,
जिन्गी बिट्गैलिन् सुखके कौनो आस नैहुइन ।
सागर कुश्मी ।