फाँटल जीवन

डाई म्वार फाँटल लुगा सिडेउन
बाबा म्वार लाग लौव लुगा किन्डेउन
डाडु म्वार लाग कापि कलम किन्डेउन
भौजि म्वार मैल्याइल लुगा ढोडेउन

टुटल भ्रmोपीम म्वार खटियक बास
पहर्ना लिख्ना रहर बा नैहो केक्रो आस
संघरेन भैयनके बरोबर हुइना म्वार आस
घिंटीघिंटी होक जाइसक बा म्वार सास

पह्रल लिखल डाडुभैया टाकल बाट बिदेश
पह्रलिख निपाइल मनैया बैठल बाटु स्वदेश
पह्राऊ महिन् डाइबाबा डेखाऊ अजरार डगर
गाउँ समाजक सेवा कर्बु यह बार म्वार रहर

डेह्री कठ्ली आन भर्कन् कहाँ बा
सब हेरैटि जैटि बा समाज म
आपन संस्कार संस्कृति कहाँ बा
आपन भाषा निबोल्ना जमानम

बासी कल्वा मिन्ही बेरी
का कर कर्ठो समाजम टेरिमेरी
जिटि भ्वाज सगुन सुरिक सिकार
थारु मनै ख्वाज परल हमार अधिकार

पानी चुहना छानी बा, कोन्टि बा अन्धार
बाबा बाट बुह्राइल डाइ बटि आँधर
बिताऊ कसिक फाँटल इ म्वार जिवन
चारुओर झिन्झर बा फाँटल बा म्वार जिबन ।

 

– लक्ष्मण चौधरी

प्रकाशित मितिः   १० पुष २०८१, बुधबार ०६:०१