येशू ख्रीष्टको सम्झनामा रक्तदान
सुर्खेत: परमेश्वरको मण्डली विश्व सुसमाचार समाजले रक्तदान कार्यक्रम गरेको छ । सोमवार वीरेन्द्रनगरमा रक्तदान कार्यक्रम आयोजना गरिएको हो ।
विश्वव्यापी रक्तदान अभियान अन्तर्गत वीरेन्द्रनगर परमेश्वरको मण्डलीमा आयोजित रक्तदान कार्यक्रममा ४२ जनाले रक्तदान गरेका छन् । रगत संकलनमा नेपाल रेडक्रस सोसाइटी रक्त सञ्चार सेवा केन्द्रले प्राविधिक सहयोग गरेको थियो ।
येशू ख्रीष्टको बलिदान र प्रेम समावेश भएको दिनको सम्झना गर्दै मण्डलीले हरेक वर्ष विश्वव्यापी रूपमा रक्तदान कार्यक्रम आयोजना गर्दै आएको छ । जसअनुसार कर्णाली प्रदेशमा भने पहिलो पटक आयोजना गरिएको जनाइएको छ ।
साझा बिसौनी ।