एमाले सुर्खेतको नेतृत्व छान्न निर्वाचन हुने

सुर्खेत – नेकपा(एमाले) सुर्खेतको नेतृत्व चयनका लागि निर्वाचन हुने भएको छ । सर्वसम्मतिको प्रयास सफल हुन नसकेपछि निर्वाचनमार्फत नेतृत्व चयन गर्ने तयारी गरिएको छ ।

अध्यक्षका आका‌ंक्षीहरुबीच सहमति जुट्न नसकेपछि अधिवेशन निर्वाचनतर्फ धकेलिएको हो । सहमतिको सम्भावना लगभग टुङ्गिएको नेताहरुले बताएका छन् । योसँगै अध्यक्षमण्डलले निर्वाचनको कार्यतालिका सार्वजनिक गर्ने गरी तयारी थालेको छ ।

स्रोतका अनुसार अमृतकुमार बिसी र डण्डीप्रसाद शर्माबीच अध्यक्षमा प्रतिस्पर्धा हुने देखिएको छ । दुवै जना प्यानलसहित निर्वाचनमा जाने तयारीमा जुटिसकेका छन् ।

बिसी जिल्ला कमिटीका उपाध्यक्ष हुन् भने शर्मा सदस्य ।

सातौं जिल्ला अधिवेशनमा दुवै जना एकै प्यानलबाट निर्वाचित भएका थिए ।

प्रकाशित मितिः   २५ पुष २०७८, आईतवार १४:४१