थारु भाषाः मित्थु थारुहे ठुम्रार साहित्यिक बखेरीके सम्मान

 

सुर्खेत: यह गैलक असारके २८ गते कीर्तिपुरस्थित ठुम्रार साहित्यिक बखेरीके १०६औँ श्रृंखलाम कलाकार मित्थु थारुहे विशेष सम्मान कैगिल बा ।

कैलालीको जानकी गाउँपालिका, भगतपुर निवासी थारु कलाकार मित्थु थारु यी बरसके संस्कृति, पर्यटन तथा नागरिक उड्डयन मन्त्रालयसे सुदूरपश्चिम क्षेत्रके लोककला क्षेत्रम क्षेत्रीय पुरस्कार प्राप्त कर्लक हुइट । उहाँ यिहीसे आघ नेपाल ललितकला प्रज्ञा प्रतिष्ठानसे समेत विभिन्न पुरस्कार प्राप्त कैसेक्लबाट । दाङके चखौरालगायत स्थानम उहाँक मूर्तिकला ओ चित्रकला देख सेक्जाइठ ।

कार्यक्रमम ठुम्रार साहित्यिक बखेरीके संयोजक डा. कृष्णराज सर्वहारी थारु साहित्य किल नाहोक थारु लोककला र लोकसंस्कृतिके जगेर्नाम लग्ना स्रष्टा हुकन फे बखेरी सम्मान कर्ति आइल बट्वोइल । सम्मानित कलाकार मित्थु थारु प्राप्त सम्मानले थप ऊर्जा ओ प्रेरणा डेलक उल्लेख कर्टि आगामी दिनम व्यावसायिक ढङ्गले कलाकारिताह संयुक्त रूपम आघ बह्रैना प्रतिबद्धता व्यक्त कर्ल ।

शत्रुघन चौधरीके सञ्चालन करल कार्यक्रमम साहित्यकार गणेश वशिष्ठ, सन्तोषी चौधरी, राकेश सिंह, नन्दुराज चौधरी, गणेश वर्तमान, सिताराम चौधरी, विवश चौधरी, कमल संघर्ष, दुर्गा बुढाथोकीलगायत स्रष्टाहरूले आ–आफ्ना रचना वाचन कर्ल रलह ।

प्रकाशित मितिः   १४ श्रावण २०८२, बुधबार १५:१४