मुटु जर्टि रहठ
हे निष्ठुरी दैव ऊ अबोध बलुखा का बिरैल रह
टुहार ऊ अलारी टुँसा भर्खर फुल्टी रलक सुग्घर फुलाह
फक्र निपैइटी असिन अलारी उमेरम टु चिमोठ्ख लैगैलो
हमार परिवारके सक्कु हाँसी खुशी पलक भरम लुट्ख लैगैलो
दैवके आँखी लागल ऊ सुन्दर फुलर्याह सुनसान पार्ख लैगैलो ।
जब टुहाँर आद आइठ मन अट्याइठ
सह निसेक्ना कैख यी मुटु बठैटी रहठ
एक्कासी अत्रा भारी बज्रपात आइ परल
धरती फाटल जसिन लागठ
आकाश खस असक लागठ
दैव टु बराभारी दुःख दिहल सक लागठ ।
ए ! निष्ठुरी दैव सबथोक त लुट्ख लैगैलो
आफन दिहल ऊ आशिष जुन म्वार भैया रह, मैया रह
ओहीह फेनसे अप्नह फिर्ता लैगैलो
ऊ डाइक क्वारा फे सद्दके लाग खाली बनादेलो
दैव टुँहार आँखी लागल ऊ सुग्घर फुलर्याम सुन पार्ख लैगैलो ।
हर क्षण सम्झनाम मोर भैया मोर मैया टु
अनयास अइठो यी मुटु टुक्रा टुक्रा हुइठ
यी जिन्गी जियल लास ढलल जसिन लागठ
पलपल मुख फे यी जिन्गी बाँचल बा
मोर भैया यहरसे अइठ कि ओहरसे अइठ कैख
यी आँखीले सद्द टुहार अइना डगर हेर्टि रहठ
आँखीम ढर्लसे फे नै गस्सकना मोर भैया मोर मैया
भद्र शालिन ओ सुशिल रह टुँहार ऊ स्वभाव
अनि ओस्तह मिठ मिठ टुँहार ऊ बोली
ओसह टुँहार मुस्कुरैना अनुहार
झलझली याद अइटी रहठ
भित्र भित्र यी मुटु ढट्कटी रहठ, जर्टि रहठ
साझा बिसौनी ।