थारु भाषाके ‘लखागिन जर्नल’ विमोचन

लखागिन थारु उत्थान मञ्च सुर्खेतके प्रथम साधारण सभा सम्पन्न हुइल बा । कार्यक्रमम सुर्खेतके थारु संस्कृति सम्बन्धी अनुसन्धानमूलक लखागिन जर्नलके पहिल अङ्क विमोचन कैगिलक हो

साधारण सभामसे मञ्चम लौव कार्यसमितिसमेत चयन कर्ल बा । अध्यक्षम मानबहादु चौधरी ‘पन्ना’ उपाध्यक्षम लोकबहादुर चौधरी, सचिवम जित बहादुर चौधरी, कोषाध्यक्षम राजु चौधरी, सहसचिवम कृष्णा चौधरी, सदस्यम लक्ष्मण चौधरी, प्रभा चौधरी, माया चौधरी ओ बेन्जु चौधरी रहल बाट ।

लखागिन जर्नलम विशेष कैक सुर्खेती थारुनके भाषिक, सामाजिक, सांस्कृतिक, शैक्षिक तथा धार्मिक अवस्थाके खोज अनुसन्धान ओ थारु जातिनके विभिन्न थर उपथर गोत्रसमेतके अध्ययन विश्लेषण कैगिल बा । जर्नलम मोरङठेसे कञ्चनपुरसमके थारु साहित्यकार तथा अनुसन्धानकर्मी हुकहनके लेख, रचना, थारु जातिनके लोक कला, साहित्य संस्कृतिके विषयवस्तु समेट्गिल बा । ओसहख गैलक बरस सुर्खेत सम्पन्न पँचवा राष्ट्रिय थारु साहित्य सम्मेलनके सामग्री समावेश कैगिल बा ।

कार्यक्रमम थारु कल्याण कारिणी सभाके केन्द्रीय सदस्य कृष्णबहादुर थारु थारुनके कला, संस्कृति मूल्य मान्यता आदि विविध विषयके अनुसन्धान कैगिल लखागिन जर्नल सुर्खेतके ऐतिहासिक दस्तावेज हुइना धारणा ढर्ल । जर्नल प्रकाशन टिमके संरक्षक एवम् समाजसेवी शनिश्रा दहित कार्यक्रमम भाषण कैक केल संस्कृतिके संरक्षण प्रवर्धन निहुइना हुइलक ओहर्से सुर्खेतम थारु विशेष पुस्तकालय खोल्ना तयारी कर्टि रलक जानकारी करैल ।

कार्यक्रमम समाजसेवी तथा बुद्धिजीवि लालबहादुर चौधरी लखागिन जर्नल सुर्खेतके सन्दर्भम ऐतिहासिक खोजमूलक पोस्टा हुइलक चर्चा कर्टि यकर महत्व जुग जुग रना बात ढर्ल ।कार्यक्रमम वीरेन्द्रनगर नगरपालिका-२ के वडाअध्यक्ष बल बहादुर रोकाय सुर्खेतम थारुनके कला संस्कृति ढिर ढिर लोप हुइटी गिल अवस्थाम लखागिन थारु उत्थान मञ्च स्थापना कैक जुन असल कामके सुरुवात कर्ल बा । यी कामम निरन्तरता ह्वाए कना शुभकामना देल ।

ओसहख कार्यक्रमम मध्य पश्चिम विश्वविद्यालय लाइब्रेरी अधिकृत संग्राम चौधरी, समाजसेवी मानबिर थारु, दुर्गबहादुर थारु, टेक बहादुर चौधरी, शेरबहादुर थारु,भीम कान्त चौधरी लगायतके वक्ता हुक्र थारुने संस्कृति संरक्षण कर पर्नाम जोड देल रलह ।

थारु भाषाके ‘लखागिन जर्नल’ विमोचन ओ साधारण सभा सम्पन्न

लखागिन थारु उत्थान मञ्च सुर्खेतके प्रथम साधारण सभा सम्पन्न हुइल बा । कार्यक्रमम सुर्खेतके थारु संस्कृति सम्बन्धी अनुसन्धानमूलक लखागिन जर्नलके पहिल अङ्क विमोचन कैगिलक हो

साधारण सभामसे मञ्चम लौव कार्यसमितिसमेत चयन कर्ल बा । अध्यक्षम मानबहादु चौधरी ‘पन्ना’ उपाध्यक्षम लोकबहादुर चौधरी, सचिवम जित बहादुर चौधरी, कोषाध्यक्षम राजु चौधरी, सहसचिवम कृष्णा चौधरी, सदस्यम लक्ष्मण चौधरी, प्रभा चौधरी, माया चौधरी ओ बेन्जु चौधरी रहल बाट ।

लखागिन जर्नलम विशेष कैक सुर्खेती थारुनके भाषिक, सामाजिक, सांस्कृतिक, शैक्षिक तथा धार्मिक अवस्थाके खोज अनुसन्धान ओ थारु जातिनके विभिन्न थर उपथर गोत्रसमेतके अध्ययन विश्लेषण कैगिल बा । जर्नलम मोरङठेसे कञ्चनपुरसमके थारु साहित्यकार तथा अनुसन्धानकर्मी हुकहनके लेख, रचना, थारु जातिनके लोक कला, साहित्य संस्कृतिके विषयवस्तु समेट्गिल बा । ओसहख गैलक बरस सुर्खेत सम्पन्न पँचवा राष्ट्रिय थारु साहित्य सम्मेलनके सामग्री समावेश कैगिल बा ।

कार्यक्रमम थारु कल्याण कारिणी सभाके केन्द्रीय सदस्य कृष्णबहादुर थारु थारुनके कला, संस्कृति मूल्य मान्यता आदि विविध विषयके अनुसन्धान कैगिल लखागिन जर्नल सुर्खेतके ऐतिहासिक दस्तावेज हुइना धारणा ढर्ल । जर्नल प्रकाशन टिमके संरक्षक एवम् समाजसेवी शनिश्रा दहित कार्यक्रमम भाषण कैक केल संस्कृतिके संरक्षण प्रवर्धन निहुइना हुइलक ओहर्से सुर्खेतम थारु विशेष पुस्तकालय खोल्ना तयारी कर्टि रलक जानकारी करैल ।

कार्यक्रमम समाजसेवी तथा बुद्धिजीवि लालबहादुर चौधरी लखागिन जर्नल सुर्खेतके सन्दर्भम ऐतिहासिक खोजमूलक पोस्टा हुइलक चर्चा कर्टि यकर महत्व जुग जुग रना बात ढर्ल ।कार्यक्रमम वीरेन्द्रनगर नगरपालिका-२ के वडाअध्यक्ष बल बहादुर रोकाय सुर्खेतम थारुनके कला संस्कृति ढिर ढिर लोप हुइटी गिल अवस्थाम लखागिन थारु उत्थान मञ्च स्थापना कैक जुन असल कामके सुरुवात कर्ल बा । यी कामम निरन्तरता ह्वाए कना शुभकामना देल ।

ओसहख कार्यक्रमम मध्य पश्चिम विश्वविद्यालय लाइब्रेरी अधिकृत संग्राम चौधरी, समाजसेवी मानबिर थारु, दुर्गबहादुर थारु, टेक बहादुर चौधरी, शेरबहादुर थारु,भीम कान्त चौधरी लगायतके वक्ता हुक्र थारुने संस्कृति संरक्षण कर पर्नाम जोड देल रलह ।

प्रकाशित मितिः   ९ चैत्र २०७८, बुधबार ०५:०५